طريقة عمل لانشون الفراخ بطريقة سهلة و بسيطة في المنزل

دليل الموضوع :

1.   نبذه عامه

2.   المكونات

3.   طريقة التحضير

نبذه عامه :

لانشون الفراخ من الأطعمة اللذيذة وسهلة التحضير، وبعض الأنواع ممكن يضاف ليها مكونات تانية جنب الفراخ زي الزيتون والفلفل الأسود، لكن الدراسات العلمية حذرت من استهلاكه بسبب المواد الكيميائية اللي بتدخل في تصنيعه وارتبطت بأمراض الكبد والتسمم الغذائي والسرطان.. عشان كده بنقدم لك طريقة تحضير لانشون الفراخ للتنويع في النكهات لكن بشكل آمن في المنزل .

المكونات :

·       1/2 كيلو فراخ بانية مفرومة

·       بيضتين

·       معلقة كبيرة دقيق

·       معلقتين كبار بقسماط ناعم

·       معلقة كبيرة بابريكا

·       معلقة صغيرة كمون

·       معلقة صغيرة ملح

·       معلقة صغيرة فلفل أسود  

·       معلقة صغيرة توم مفروم

·       زيتون أسود أو أخضر حلقات  

·       مياه مغلية

·       ورق لورا

طريقة التحضير:

1.    في الكبة اخلط الفراخ مع ملح وفلفل وتوم

2.    ضيف الكمون والبابريكا والبقسماط والدقيق والبيض  

3.    رش فلفل أسود وزيتون على ورق حفظ الأكل البلاستيك

4.    افرد خليط الفراخ على الورق وخليه طبقة متساوية

5.    لف الورق رول ولفه تاني في ورق فويل

6.    في مياه مغلية حط ورق لورا وفلفل أسود

7.    ضيف الفراخ في الفويل وسيبه ساعة لحد ما يستوي

8.    سيبه يبرد وبعد كدة دخله التلاجة

المصدر : How to  بالعربي