الشاي الأخضر وفوائده

الشاى الأخضر أوعى تشربه من غير ليمون أبدا 

أول شئ لازم تعرفه إن الشاى الأخضر و الأسود أو الأحمر اللى بنشربه هما نبات واحد لكن إختلاف طريقة التخمير والتحضير  هوه اللى بيحدد إذا كان هيكون أخضر ولا أسود عامة الأخضر أصح مليار مرة طبعا من الأسود لأن الهدف من شرب الأسود فى الأساس إنه يفوقك ويعدل دماغك أما الأخضر فأنت بتتكلم عن نبات بيعالج٤٦١ مرض و ١٤٤ تأثير وفايدة للجسم ب٩٠٩دراسة وبحث طيب طيب طيب إيه الفوايد المهمة و العظمى :- 

١- أستاذ علاج السمنة بإمتياز طبعا .

٢- الإلتهاب فعال فى وقف الإلتهابات زى الطقطقة والحرقان اللى فى المفاصل .

٣- أوعى تكون عندك مشكلة فى اللثة ومتعرفش ان الشاى الأخضر بيحلها دا كمان بيحارب التسوس بيقتل السوسة أو بمعنى أدق البكتريا المسببة لتسوس الأسنان.

٤- وأنت بتدمن شربه مش هيجيلك سكر فعال فى علاج مقاومة الإنسولين .

٥- بيمسح الدهون اللى ع الكبد مسح .

٦- بيمنع الزهايمر و الناس اللى عندهم ذاكرة السمكة .

٧- بيقوى العظم خالص بيمنع هشاشة العظام قولنا بيقوى الأسنان مالسنان عظمة .

٨- مشروبك صديقك لو عندك روماتويد .

٩- أما هتشربه كتير هتقلل شرب السجاير .

١٠- مابعد الجلطة بنشرب المرضى الشاى الأخضر كتير بيساعدهم على التعافى .

فى النهاية عاوزين نتعود نشرب الشاى الأخضر بدل الأحمر لأنه أصح خالص وأفيد لجسمك .

شير لغيرك و قوله إشرب الشاى الأخضر بالليمون أكثر فاعلية بمراحل .

المصدر:دكتور احمد ابو النصر