حدث خطير جداً يا جماعة في خلال أيام قليلة عارفين هو إيه؟

                         حدث خطير جداً يا جماعة في خلال أيام قليلة عارفين هو إيه؟

العد التنازلي السنوي لشهر رمضان هيبدأ

سبحان الله العظيم لسه كنا بنودع رمضان السنة اللي فاتت
واحنا دلوقتي بنستقبل رمضان الأيام بتعدي

نص درجة بتفرق في الثانوية العامة بتجيب الطالب منين لفين
طيب الحسنة الواحدة هتفرق معانا أد إيه؟
طيب تخيل الحسنة بتاعة رمضان بقى لو فزت بيه

أنت عارف هتتنقل أد إيه لو فزت برمضان  عارف هتنجو من ايه
رمضان مين يا جماعة احنا لسة في نصف رجب..
يا إخواني طالب الثانوية العامة من دلوقتي بيستعد أد إيه؟

الطالب بتاع الثانوية العامة السنة الجاية من دلوقتي بيستعد أد إيه؟

الاستديوهات في مدينة الإنتاج الإعلامي من دلوقتي مبتهداش أد إيه؟

سفن التجارة ما بين مصر والصين اللي بتنقل
المواد أو الحاجات بتاعة رمضان نشيطة أد إيه؟

يا إخواني في الله إشمعنى أهل الدنيا يا جماعة
إشمعنى أهل الدنيا‼

ادخلوا مستشفى الساعة 10 الصبح شوف الدنيا خلية نحل ازاي

ادخلوا سينما في العرض بتاعها شوف النور مطفي والدنيا كلها مستعدة ازاي

يا إخواننا ادخلوا قهوة ساعة ماتش كورة
شوف الشباب بيلعبوا بإيديهم ورجليهم مع الماتش من التركيز ازاي

 ادخلوا مسجد ساعة صلاة الجماعة شوف سرحانه ازاي ..

ادخلوا أي معهد علمي دلوقتي بيدرس فقه الشريعة شوف الناس منصرفة عن تعلم الدين ازاي..

إشمعنى‼‼ الدنيا ماشية جدّ والدين ماشي بالمنظر ده❗

إخواني في الله الكلمة الخطيرة اللي يمكن جابتنا النهاردة كلمة كعب بن مالك رضي الله عنه

〽 لما كعب بن مالك تخلف عن غزوة تبوك
لما النبي عليه الصلاة والسلام خرج مع أصحابه
وكعب بن مالك كان شايف الدنيا سهلة وأنه ممكن يحصل النبي في أي وقت

بيقول فظللت أقول أنا قادر على ذلك إن شئت
حتى تفارط الغزو، ويا ليتني فعلت..
أنا سهل لما أحب أخرج هخرج وأركب الفرس بتاعي وأحصل النبي عليه الصلاة والسلام

دي الكلمة اللي كلنا بنقولها:
أنا قادر على القيام بس لما رمضان يجي هنقطع سجاجيد الصلاة
يا إخواننا الكلمة دي كانت سبب لتخلف كعب بن مالك عن النبي عليه الصلاة والسلام
وقال الناس الغزوة اللي بعدها يلحقه
مكانش في غزوة بعدها.. الغزوة دي كانت
آخر غزوة مع النبي عليه الصلاة والسلام

ممكن يكون رمضان الجاي ده اَخر رمضان في حياتنا
يا إخواننا عايزين نفوق بقى عايزين نقوم بقى

ساعات كده سبحان الله العظيم الواحد بيقعد يفكر لو كان أبو طالب قال نعم لما النبي عليه الصلاة والسلام عرض عليه الدين لو قال نعم مكنش خلد في جهنم♨

صحابي اللي كانوا في شارع عباس العقاد
وواحد من أصحابنا وأصدقائنا خارج من المسجد بعد ليلة من ليالي رمضان بعد عشاء وتراويح في رمضان وأربعة شباب طالعين يركبوا العربية
وطالعين يعيشوا حياتهم عدى عليهم وقالهم يا شباب لو ما اعتبرناش
ربنا هيخلينا عبرة
عايزهم يدخلوا يصلوا ويتوبوا لربنا
ثلاثة اتخنقوا وكبروا وركبوا العربية
والرابع وقف ما بين أصحابه وما بين يدخل الجامع🕌
ولا يروح مع صحابه يعيش حياته

قال له أنت قصدك إيه بالكلمة اللي أنت قلتها
قال احنا لو ما اعتبرنا بغيرنا ربنا هيخلينا عبرة لغيرنا
أصحابه اتخنقوا ونزلوا وخدوه شدوه في العربيه وطلعوا أمريكاني
وقاعدين يلفوا بقى خمسات من وسط العربيات
طالعين من عباس العقاد على أول الأوتوستراد دخلوا فى عمود نور
العربية ولعت الأربعة طالعين بودرة من العربية

القضية في الرابع اللي كان لساله دقيقة ويموت يا إما يموت في الجامع بين إيدين ربنا 〽
يا إما يموت على اللي هو طالع ليه
مبيصليش وللأسف الشديد لو كان سمع
كلام صاحبنا بقى لو كان دخل الجامع
لو كان قال نعم ‼
يا جماعة عايزين نفوق 🔊🔊

💭💭أخت من أخواتنا بنت من البنات
لحد من ساعات قليلة
سبحان الله العظيم كانت بترتكب من الموبقات ما يهتز له عرش الرحمن
مقدرش أقول اسمها أو مكانها أو أو
لأن صعب إننا نقول أي تفاصيل حتى تفاصيل القصة نفسها..
مقدرش أقول ولكن قلوبنا تزلزلت..
كنت مع إخواننا في جامع المنوفية
وكنا بنتكلم عنها وكانوا قاعدين يكلموني عن البطولة بتاعتها في التوبة رغم الكبائر اللي هي كانت فيها
الحياة الرهيبة اللي كانت فيها وزوجها بيقولها يا أنا يا ربنا
هتلبسيلي نقاب وإسدال أنا واخدك بالبدي
بلا نقاب بلا قرف (والعياذ بالله)
قالت له أنا هختار ربنا
أنا حاسة أن ربنا سبحانه وتعالى بيخيرني
ما بينه وما بين كل حاجة في الدنيا ..

وتلبس حجاب أمهات المؤمنين وتبدأ تسمع دروس وتبدأ تتغير وبيحكيلي أخ اَخر البطولات اللي هي عاملاها في التوبة
وأنه فرحان بها كأخت

المصدر : حازم شومان